1)ನಮ್ಮ ಸ್ವಯಂ ಸಲಹೆಗಳು ಆದಷ್ಟು ಸಕಾರಾತ್ಮಕವಾಗಿರಬೇಕು;
ಅಂದ್ರೆ ಸ್ವಯಂ ಸಲಹೆಗಳನ್ನು ರಚಿಸುವಾಗ ನಮಗೆ ಏನು ಬೇಕೋ ಅದನ್ನು ಕೇಳಬೇಕು. ಯಾವಾಗಲೂ ನಮಗೆ ಏನು ಬೇಡವೋ ಅದನ್ನು ಹೇಳಬಾರದು.
ಉದಾಹರಣೆಗೆ 'ನನಗೆ ಯಾವುದೇ ರೋಗ ಬರಬಾರದು' ಎಂದು ಸುಪ್ತ ಮನಸ್ಸಿಗೆ ಹೇಳುವ ಬದಲು 'ನಾನು ಹೆಚ್ಚೆಚ್ಚು ಆರೋಗ್ಯವಾಗಿರಬೇಕು' ಎಂದು ಹೇಳಬೇಕು.ಬಹುಶಃ ನಿಮಗೆ ಈ ಉದಾಹರಣೆಯಿಂದ ಸ್ವಯಂ ಸಲಹೆಗಳ ಮೊದಲನೇ ಸೂತ್ರ ಅರ್ಥವಾಗಿರುತ್ತದೆ ಎಂದು ಭಾವಿಸುತ್ತೇನೆ.
Ask what you want and not what you want to avoid.
2)ನಿಮ್ಮ ಫಾರ್ಮುಲೇಶನ್ಸ್ (suggestions)/ಸ್ವಯಂ ಸಲಹೆಗಳು ಪ್ರಗತಿಯನ್ನು ಸೂಚಿಸಬೇಕು; Make your formulations progressive.
ಉದಾಹರಣೆಗೆ 'ನಾನು ದಿನದಿಂದ ದಿನಕ್ಕೆ ಹೆಚ್ಚೆಚ್ಚು ಕೆಲಸ ಮಾಡುತ್ತಿದ್ದೇನೆ.'
ಇಲ್ಲಿ ದಿನದಿಂದ ದಿನಕ್ಕೆ ಎಂಬುದು ಪ್ರಗತಿಯನ್ನು ಸೂಚಿಸುತ್ತದೆ ಅಂದರೆ ಮುಂದುವರೆಯುತ್ತಿದೆ ಎಂಬುದನ್ನು ಸೂಚಿಸುತ್ತದೆ.
ಇಲ್ಲಿ ಇನ್ನೊಂದು ಉದಾಹರಣೆಯನ್ನು ಗಮನಿಸೋಣ ; 'day by day in every way I am getting better and better.'
ಸ್ವಯಂ ಸಲಹೆಗಳನ್ನು ವರ್ತಮಾನ ಕಾಲ ಅಥವಾ ಭವಿಷ್ಯತ್ಕಾಲ ದಲ್ಲಿ ಬಳಸುವುದಕ್ಕಿಂತ ಪ್ರಗತಿಯನ್ನು ಸೂಚಿಸುವಂತೆ ಬಳಸುವುದು ಹೆಚ್ಚು ಸೂಕ್ತ.
'ನಾನು ಒಂದೊಳ್ಳೆ ಉದ್ಯೋಗವನ್ನು ಪಡೆಯುತ್ತೇನೆ' ಎನ್ನುವುದಕ್ಕಿಂತ 'ನನಗೆ ಒಂದು ಒಳ್ಳೆ ಉದ್ಯೋಗ ಇದೆ' ಎಂಬುದು ಉತ್ತಮವಾಗಿದೆ ಆದರೆ ಇದರಲ್ಲಿರುವ ಸಮಸ್ಯೆಯೇನೆಂದರೆ ನಮಗೆ ಒಂದು ಒಳ್ಳೆ ಕೆಲಸ ಇಲ್ಲದಿರುವಾಗ ಈ ರೀತಿ ಹೇಳಿಕೊಳ್ಳುವುದರಿಂದ ಮಾನಸಿಕ ಗೊಂದಲ ಉಂಟಾಗುತ್ತದೆ. ಇದು ಸ್ವಯಂ ಸಮ್ಮೋಹನಕ್ಕೆ ಒಳಗಾಗುವವರನ್ನು ಅಧೈರ್ಯಗೊಳಿಸುತ್ತದೆ.ಆದ್ದರಿಂದ ಸಜೆಶನ್ಸ್ ಯಾವಾಗಲೂ ಪ್ರೋಗ್ರೆಸ್ಸಿವ್ ಆಗಿರಬೇಕು.
ಸ್ಥೂಲಕಾಯದ ಸಮಸ್ಯೆ ಇರುವ ವ್ಯಕ್ತಿಗಳು : 'ದಿನದಿಂದ ದಿನಕ್ಕೆ ನಾನು ಸಣ್ಣಗಾಗುತ್ತಿದ್ದೇನೆ.' ಅಥವಾ 'ನಾನು ಸ್ವಲ್ಪ ಸ್ವಲ್ಪವಾಗಿ ನನ್ನ ಆದರ್ಶ ತೂಕವನ್ನು ತಲುಪುತ್ತಿದ್ದೇನೆ' ಎಂದು ಹೇಳಬಹುದು.
ಅಥವಾ ನಮಗೆ ಬೇಕಾಗಿರುವುದನ್ನು ಒಂದೆರಡು ಪದಗಳಲ್ಲಿ ಹೇಳುವುದರಿಂದ ಮನಸ್ಸಿಗೆ ಉಂಟಾಗಬಹುದಾದ ಗೊಂದಲವನ್ನು ನೀಗಿಸಬಹುದು.ಅದು ಹೇಗೆಂದರೆ ಸ್ವಯಂ ಸಲಹೆಯಲ್ಲಿನ ಕ್ರಿಯಾಪದಗಳನ್ನು ಸಂಪೂರ್ಣವಾಗಿ ತೆಗೆದು ಹಾಕುವುದು. ಉದಾಹರಣೆಗೆ ಆರ್ಥಿಕ ತೊಂದರೆಯಲ್ಲಿ ಇರುವವರು ಕೇವಲ ಯಶಸ್ಸು- ಸಂಪತ್ತು ಎಂದು ಮನಸ್ಸಿನಲ್ಲಿಯೇ ಪುನರುಚ್ಚರಿಸುವುದರ ಮೂಲಕ ಅಭಿವೃದ್ಧಿಯನ್ನು ಸಾಧಿಸಬಹುದು.
3)ಸಜೆಶನ್ ಗಳು ಆದಷ್ಟು ಸಂಕ್ಷಿಪ್ತವಾಗಿ ಇರಲಿ.
ನಾವು ಸ್ವಯಂ ಸಲಹೆಗಳನ್ನು ರಚಿಸುವಾಗ ಆದಷ್ಟು ಸಂಕ್ಷಿಪ್ತವಾಗಿ ನಮ್ಮ ಬಯಕೆಗಳನ್ನು ಹೇಳಬೇಕು.ಅಂದರೆ ಸಜೆಷನ್ ಗಳು ಆದಷ್ಟು ಕನಿಷ್ಠ ಪದಗಳನ್ನು ಹೊಂದಿರಬೇಕು.
'ನಾನು ದಿನದಿಂದ ದಿನಕ್ಕೆ ಹೆಚ್ಚೆಚ್ಚು ಯಶಸ್ಸನ್ನು ಪಡೆಯುತ್ತಿದ್ದೇನೆ'
4)ಸರಳ ಮತ್ತು ಸ್ಪಷ್ಟ ಪದಗಳು ಇರಲಿ;
ಸ್ನೇಹಿತರೆ ಅವು ಸ್ವಯಂ ಸಲಹೆಗಳನ್ನು ರಚಿಸುವಾಗ ನಮಗೆ ಹೆಚ್ಚು ಪರಿಚಿತವಾದ ಸರಳ ಪದಗಳನ್ನು ಬಳಸಿ ರಚಿಸಬೇಕು.ಆ ಪದಗಳು ನಮಗೆ ಯಾವುದೇ ಆಘಾತವನ್ನು ಉಂಟುಮಾಡಬಾರದು.
5)ಸ್ವಯಂ ಸಲಹೆಗಳಿಗೆ ಯಾವುದು ಉತ್ತಮ;ಪ್ರಥಮ ವ್ಯಕ್ತಿ ಅಥವಾ ದ್ವಿತೀಯ ವ್ಯಕ್ತಿ
ಸ್ವಯಂ ಸಲಹೆಯಲ್ಲಿ 'ನಾನು' ಎಂದು ಬಳಸುವುದಾ ಅಥವಾ 'ನೀನು' ಎಂದು ಬಳಸುವುದಾ ಎಂದರೆ ಆಯ್ಕೆಯು ನಿಮ್ಮದಾಗಿದೆ.
ನೀವೇನಾದರೂ ಸ್ವಯಂ ಸಲಹೆಗಳನ್ನು ರೆಕಾರ್ಡ್ ಮಾಡಿಕೊಂಡು ಬಳಸುವುದಾದರೆ 'ನೀನು ' ಎಂದು ಬಳಸುವುದು ಹೆಚ್ಚು ಪರಿಣಾಮಕಾರಿಯಾಗಿರುತ್ತದೆ.
ಸ್ವಯಂ ಸಮ್ಮೋಹನದ ಒಂದು ಅವಧಿಯಲ್ಲಿ ಒಂದು ಸ್ವಯಂ ಸಲಹೆ ಮಾತ್ರ ಇರಲಿ;
ನಾವು ಸ್ವಯಂ ಸಂಮೋಹನದ ಸ್ಥಿತಿಯಲ್ಲಿ ಒಂದಕ್ಕಿಂತ ಹೆಚ್ಚು ಸ್ವಯಂ ಸಲಹೆಗಳನ್ನು ಬಳಸುವುದರಿಂದ ನಮ್ಮ ಸುಪ್ತ ಮನಸ್ಸಿಗೆ ಗೊಂದಲವನ್ನುಂಟು ಮಾಡುತ್ತೇವೆ.ಆದ್ದರಿಂದ ಸ್ವಯಂ ಸಮ್ಮೋಹನದ ಒಂದು ಅವಧಿಯಲ್ಲಿ ಕೇವಲ ಒಂದೇ ಒಂದು ಸ್ವಯಂ ಸಲಹೆಯನ್ನು ಪುನರುಚ್ಚರಿಸುವುದು ಸೂಕ್ತ ಎಂದು ನಾನು ಭಾವಿಸುತ್ತೇನೆ.ಹಾಗೇನಾದ್ರೂ ನೀವು ಎರಡು ಸ್ವಯಂ ಸಲಹೆಗಳನ್ನು ಬಳಸಬೇಕೆಂದಿದ್ದಲ್ಲಿ ಮೊದಲು ಒಂದು ಸಾಮಾನ್ಯ(general) ಸ್ವಯಂ ಸಲಹೆಯನ್ನು ಬಳಸಿ ನಂತರ ಒಂದು ನಿರ್ದಿಷ್ಟ(specific ) ಸ್ವಯಂ ಸಲಹೆಯನ್ನು ಬಳಸಬಹುದು.
ಕೊನೆಯದಾಗಿ ಸ್ವಯಂ ಸಲಹೆಗಳ ಗೋಲ್ಡನ್ ರೂಲ್ ಎಂದರೆ ಅವುಗಳನ್ನು ಮತ್ತೆ ಮತ್ತೆ ಪುನರುಚ್ಚರಿಸುವುದು/ಪುನರಾವರ್ತಿಸುವುದು.
ಇವುಗಳು ಸ್ವಯಂ ಸಲಹೆಗಳ ಪಂಚ ಸೂತ್ರಗಳಾಗಿವೆ.ಇವುಗಳನ್ನು ರಚಿಸುವಾಗ ಮೊದಲು ಬಿಳಿ ಹಾಳೆಯಲ್ಲಿ ಬರೆದು ನೋಡಬೇಕು.ಬರವಣಿಗೆಯಲ್ಲೇ ಸ್ವಯಂ ಸಲಹೆಗಳನ್ನು ಸುಧಾರಿಸಬೇಕು.ಅದರ ಬದಲು ಸಾಯಂ ಸಂಮೋಹನದ ಸ್ಥಿತಿಯಲ್ಲಿ ಸ್ವಯಂ ಸಲಹೆಗಳನ್ನು ಸುಧಾರಿಸಬಾರದು. You should not develop your suggestions while practicing self hypnosis.
ಕೇವಲ ಕೆಲವು ಪದಗಳು ನಿಮ್ಮ ಜೀವನವನ್ನು ಬದಲಿಸಬಲ್ಲದು.
ಸ್ವಯಂ ಸಲಹೆಗಳನ್ನು ಸ್ವಯಂ ಸಂಮೋಹನ ಸ್ಥಿತಿಯಲ್ಲಿ ಬಳಸಿದ ನಂತರ ನೀವು ಪದಗಳ ಬಲವನ್ನು ಅರ್ಥಮಾಡಿಕೊಳ್ಳುವಿರಿ..ಸ್ವಯಂ ಸಲಹೆಗಳನ್ನು ರಚಿಸುವುದು ಒಂದು ಕಲೆ. ಅದು ಈ ಮೇಲಿನ ನಿಯಮಗಳನ್ನು ಅನುಸರಿಸುತ್ತದೆ.ನಿಮಗೆ ಗೊತ್ತಿರುವಂತೆ ಈ ಐದು ಸೂತ್ರಗಳು ಅರ್ಥಮಾಡಿಕೊಳ್ಳಲು ಮತ್ತು ಅನ್ವಯಿಸಲು ತುಂಬಾ ಸರಳವಾಗಿವೆ.ಏನೇ ಆದರೂ ಎಲ್ಲಾ ಸ್ವಯಂ ಸಲಹೆಗಳು ಎಲ್ಲರಿಗೂ ಸರಿಹೊಂದುವುದಿಲ್ಲ.ಒಬ್ಬೊಬ್ಬರ ಅಭಿರುಚಿ, ಅವರ ಹಿನ್ನೆಲೆ, ವ್ಯಕ್ತಿತ್ವ ಇತ್ಯಾದಿಗಳಿಗೆ ಅನುಗುಣವಾಗಿ ಬೇರೆ ಬೇರೆ ಸ್ವಯಂ ಸಲಹೆಗಳು ಸೂಕ್ತವಾಗುತ್ತವೆ.ಆದರೆ ಸ್ವಯಂ ಸಲಹೆಗಳು ಈ ಮೇಲಿನ ಐದು ಸೂತ್ರಗಳನ್ನು ಅನುಸರಿಸಿರುವುದು ಸೂಕ್ತವಾಗಿದೆ.
